लालबागचा राजा सार्वजनिक गणेशोत्सव मंडळाच्या माध्यमातून,
रविवार दिनांक १२ ऑक्टोबर २०२५ रोजी मराठवाड्यातील सोलापूर जिल्ह्यातील, माढा तालुक्यातील पुरग्रस्त गावां मधील शाळेतील इयत्ता पहिली ते बारावी पर्यंतच्या सर्व विद्यार्थ्यांना शैक्षणिक साहित्य संच ज्यात, सर्व इयत्तेची अर्थात इयत्ता १ ली ते १२ वी पर्यंतची सर्व विषयांची पुस्तके, वह्या, जेवणाचा डबा, पाण्याची बाटली, कंपास बॉक्स, पेन सेट, पेंसिल सेट आणि शाळेची – कॉलेजची बॅग या वस्तूंचा अंतर्भाव असलेला संच मोठ्या प्रमाणात सोलापूर जिल्ह्यातील माढा तालुक्यातील अतिवृष्टग्रस्त गावातील म्हणजेच,
माढा , रयत शिक्षण संस्था, उंदरगाव, दारफाल, केडाव, मानेगाव, सुलतानपूर, महतपूर, वाकाव, निमगाव, केराव ही आपदग्रस्त गावे आणि धाराशिव जिल्ह्यातील कळंब तालुक्यातील इटकूर, सौंदना,हलद गाव ,शेलगांव, वानेवाडी इत्यादी गावांमधील हजारोंच्या संख्येने विद्यार्थ्यांना वाटप करण्यात आले.

लालबागचा राजा सार्वजनिक गणेशोत्सव मंडळा कडून मराठवाड्यातील पूरग्रस्त गावांमधील विद्यार्थ्यांना संपूर्ण शैक्षणिक साहित्य वाटप.

जय गणेश 🙏🏻 मराठवाड्यातील पुरग्रस्त नागरिकांच्या मदतीसाठी लालबागचा राजा सार्वजनिक गणेशोत्सव मंडळाकडून रुपये पन्नास लाख रुपयांचा धनादेश महाराष्ट्र राज्याचे सन्माननीय मुख्यमंत्री महोदय श्रीमान देवेंद्र फडणवीस साहेबांकडे सुपूर्द करताना मंडळाचे पदाधिकारी….🙏🏻🙏🏻🙏🏻

मराठवाड्यातील अतिवृष्टीमुळे अनेक गावे पूरग्रस्त झालेली असून शेतकऱ्यांचे अतीव नुकसान झाले आहे.
मराठवाड्यातील या अस्मानी संकटात अपद्ग्रस्त झालेल्या नागरिकांसाठी मदतीचा हात म्हणून लालबागचा राजा सार्वजनिक गणेशोत्सव मंडळातर्फे महाराष्ट्र राज्य शासनाच्या मुख्यमंत्री सहाय्यता निधीमधे ५० लाख रुपये आर्थिक निधी देण्याचे घोषित केले आहे.