श्री अनंत अंबानी यांची मंडळाच्या मानद सल्लागार सदस्यपदी नियुक्ती

लालबागचा राजा सार्वजनिक गणेशोत्सव मंडळाच्या वतीने कळविण्यात येते की माननीय श्री. अनंत अंबानी यांची मंडळाचे मानद सल्लागार सदस्य म्हणून नियुक्ती करण्यात आली आहे.

लालबागच्या राजाचे मंडप पूजन 2024

लालबागच्या राजाचे मंडप पूजन संपन्न

लालबागचा राजा सार्वजनिक गणेशोत्सव मंडळातर्फे लालबागचा राजाच्या ९१ व्या वर्षातील गणेशोत्सवाचे मंडप पूजन मंगळवार दिनांक ०२ जुलै २०२४ रोजी लालबाग मार्केट येथे सकाळी ठीक ११ वाजता संपन्न झाले.
#lalbaugcharaja

Paul Poojan 2024

“श्री गणेश मुहूर्त पूजन”

लालबागच्या राजाचे “श्री गणेश मुहूर्त पूजन” संपन्न
लालबागचा राजा सार्वजनिक गणेशोत्सव मंडळातर्फे लालबागच्या राजाचे ९१ व्या वर्षाचे गणेश मुहूर्त पूजन मंगळवार दिनांक ११ जून २०२४ रोजी सकाळी ठीक ६.०० वाजता मंडळाचे अध्यक्ष श्री.बाळासाहेब सुदाम कांबळे व मूर्तीकार कांबळी आर्ट्स चे श्री.रत्नाकर मधुसुदन कांबळी यांच्या शुभहस्ते मूर्तीकार कांबळी आर्ट्स यांच्या चित्रशाळेत संपन्न झाले.तद्प्रसंगी खजिनदार श्री.मंगेश दत्ताराम दळवी यांनी पावती पुस्तकांचे पूजन केले.
#lalbaugcharaja

लालबागचा राजाला अयोध्येतून बोलावणे

लालबागचा राजाला अयोध्येतून बोलावणे
अयोध्येतील श्रीरामाच्या भव्य मंदिराचे उद्घाटन आणि मूर्तीचे प्राणप्रतिष्ठा सोहळा सोमवार दिनांक 22 जानेवारी 2024 ला होणार आहे. याचे विशेष निमंत्रण लालबागचा राजा सार्वजनिक गणेशोत्सव मंडळाला आले आहे.
राष्ट्रीय स्वयंसेवक संघाचे विभाग संघचालक श्री. रवींद्रभाई संघवी व अन्य पदाधिकाऱ्यांनी मंडळाचे अध्यक्ष श्री बाळासाहेब कांबळे, मानद सचिव श्री सुधीर साळवी आणि खजिनदार श्री मंगेश दळवी यांची लालबाग येथील मंडळाच्या कार्यालयात भेट घेतली व प्राणप्रतिष्ठा सोहळ्याचे निमंत्रण दिले. हा क्षण सर्वांसाठी मोलाचा आणि आनंदाचा आहे. प्राणप्रतिष्ठा उत्सव समितीने यात लालबागचा राजा सार्वजनिक गणेशोत्सव मंडळाला सहभागी करून घेतले याचा आनंद आहे. मंडळाचे अध्यक्ष या निमंत्रणाचा सन्मान राखत प्राणप्रतिष्ठा सोहळ्यासाठी अयोध्याकडे रवाना झाले आहेत.